Valyutaların səkkiz ayı
Novator.az xarici valyutaların rəsmi məzənnələrinin səkkiz ayda necə dəyişməsinə nəzər salıb.
Avro 2022-ci ilə 1,9191 manatla girib, yanvarda yüksək kurs 1,9506, fevralda 1,9494, martda 1,9039, apreldə 1,8810, mayda 1,8267, iyunda 1,8271, iyulda 1,7773, avqustda 1,7540 manat olub.
Gürcüstan larisi 0,5493 manatla başlayıb, yanvarda yuxarı məzənnə 0,5583, fevralda 0,5812, martda 0,5485, apreldə 0,5630, mayda 0,5997, iyunda 0,5828, iyulda 0,6150, avqustda 0,6302 manat həddində rəsmiləşib.
Rusiya rublu yola 0,0225 manatla çıxıb. Yanvarda zirvə 0,0229, fevralda 0,0227, martda 0,0204, apreldə 0,0234, mayda 0,0307, iyunda 0,0321, iyulda 0,0312, avqustda 0,0284 manat göstərilib.
Türkiyə lirəsi 0,1263 manatla start verib, yanvarda kurs 0,1273, fevralda 0,1276, martda 0,1229, apreldə 0,1166, mayda 0,1152, iyunda 0,1037, iyulda 0,1018, avqustda 0,0951 manatı ötməyib.
Mərkəzi Bank 2015-ci ilin devalvasiyalarında ABŞ dollarının kursunu 0,7844 manatdan 1,5594 manata yüksəldib. 2016-cı ili 1,7707 manat, 2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
