59-cu partiyaya xeyir-dua
Avqustun 31-də Prezident Administrasiyasının siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev Yeni Yol Partiyasının sədri Ramil Hüseynovla görüşüb, xeyir-dua verib.
Yeni Yol Partiyasının Ədliyyə Nazirliyində dövlət qeydiyyatına alınması barədə xəbər avqustun 26-da yayılıb. Bu qurum ölkənin 59-cu rəsmi partiyasıdır.
“Siyasi partiyalar haqqında” qanuna görə, partiyanın qeydə alınması üçün Azərbaycanın azı 1000 vətəndaşı onun üzvü olmalıdır.
1992-ci ildə Azərbaycan Milli İstiqlal Partiyası, Azərbaycan Dirçəliş və Tərəqqi Partiyası, Ana Vətən Partiyası, Milli Demokrat İdrak Partiyası, Vətəndaş Həmrəyliyi Partiyası, Müsavat Partiyası, Birlik Partiyası, Yeni Azərbaycan Partiyası; 1993-cü ildə Vahid Azərbaycan Milli Birlik Partiyası, Vahid Azərbaycan Partiyası (2020-ci ildən rəsmən Ağ Partiya kimi tanınıb), Demokratik Azərbaycan Dünyası Partiyası (2020-ci ildən Milli Həmrəylik Partiyası adlanır), Müstəqil Azərbaycan Partiyası, Azərbaycan Ümid Partiyası, Qorqud Partiyası; 1994-cü ildə Azərbaycan Kommunist Partiyası, Azərbaycan Milli Dövlətçilik Partiyası, Azərbaycan Vətənpərvərlər Partiyası; 1995-ci ildə Azərbaycan Naminə Alyans Partiyası, Azərbaycan Demokratik Maarifçilik Partiyası, Azərbaycan Sosial Rifah Partiyası, Azərbaycan Liberal Partiyası, Azərbaycan Sosial Demokrat Partiyası, Azərbaycan Xalq Cəbhəsi Partiyası, Azərbaycan Vahid Kommunist Partiyası; 1998-ci ildə Sosial Ədalət Partiyası, Milli Konqres Partiyası, Vəhdət Partiyası; 1999-cu ildə Azərbaycan Respublikaçılar Partiyası, Azərbaycan Xalq Partiyası, Azərbaycan Liberal Demokrat Partiyası; 2000-ci ildə Azərbaycan Demokrat Partiyası, Azərbaycan Mübarizləri Partiyası; 2002-ci ildə Ədalət Partiyası, Milli Vəhdət Partiyası, Müasir Müsavat Partiyası, Azərbaycan Azad Respublikaçılar Partiyası; 2005-ci ildə Böyük Quruluş Partiyası, Azadlıq Partiyası, Azərbaycan Demokratik İslahatlar Siyasi Partiyası, Bütöv Azərbaycan Xalq Cəbhəsi Partiyası, Azərbaycan Tərəqqi Partiyası, Böyük Azərbaycan Partiyası, Azərbaycan Təkamül Partiyası, Vətəndaş Birliyi Partiyası; 2007-ci ildə Klassik Xalq Cəbhəsi Partiyası, Vətəndaş və İnkişaf Partiyası; 2008-ci ildə Azərbaycan Milli Demokrat Partiyası; 2009-cu ildə Aydınlar Partiyası; 2011-ci ildə Milli Dirçəliş Hərəkatı Partiyası; 2020-ci ildə Azad Demokratlar Partiyası, Yeni Zaman Partiyası, Cümhuriyyət Xalq Partiyası, Müstəqil Xalq Partiyası, Milli Cəbhə Partiyası, Respublikaçı Alternativ Partiyası, Gələcək Azərbaycan Partiyası; 2021-ci ildə Azərbaycan Yüksəliş Partiyası və Haqq-Ədalət Partiyası dövlət qeydiyyatına alınıb.
