“Qızıl qartal”lı səfər
Avqustun 24-də Azərbaycana səfərə gələn Qazaxıstan prezidenti Qasım-Comərd Tokayev Bakıda rəsmən qarşılanıb. AZƏRTAC xəbər verir ki, Azərbaycan nümayəndə heyəti ona, Qazaxıstan nümayəndə heyəti Azərbaycan prezidenti İlham Əliyevə təqdim olunub.
Rəsmi qarşılanma mərasimindən sonra keçirilən təkbətək görüşdə Qasım-Comərd Tokayev İlham Əliyevə Qazaxıstanın “Qızıl qartal” ali ordenini təqdim edib.
Dövlət başçıları geniş tərkibdə də bir araya gəliblər, həmçinin onlara Qazaxıstan şirkətinin Füzuli şəhərində uşaqlar üçün inşa edəcəyi Yaradıcılığın İnkişafı Mərkəzinin layihəsi barədə məlumat verilib. Mərkəz 19-cu əsrin qazax musiqiçisi Kurmanqazı Saqırbayulının adını daşıyacaq.
Geniş tərkibdə görüşün ardından prezidentlərin iştirakı ilə Azərbaycan-Qazaxıstan sənədləri imzalanıb.
