“Qarabağ” Avropa Liqasına köçdü
UEFA Çempionlar Liqasının 2022-2023 mövsümündə ələmələr bitir. Novator.az-ın məlumatına görə, Azərbaycan təmsilçisi “Qarabağ” avqustun 23-də dördüncü raundun ikinci oyununu keçirib. Çexiyada “Viktoriya”nın qonağı olan komanda 1:2 hesabı ilə uduzaraq Avropa Liqasına adlayıb. Bakıdakı oyunda hesab açılmamışdı.
Avropa Liqasının qrup mərhələsində mümkün rəqiblərdən bunlar bəllidir: İtaliyadan “Roma”, “Latsio”, İngiltərədən “Mançester Yunayted”, “Arsenal”, Portuqaliyadan “Braqa”, Serbiyadan “Srvena Zvezda”, Niderlanddan “Feyenoord”, Fransadan “Renn”, “Monako”, “Nant”, Belçikadan “Gent”, “Union”, İspaniyadan “Real Sosyedad”, Türkiyədən “Fənərbaxça”, Finlandiyadan HİK, Avstriyadan “Şturm”, Kiprdən AEK, Şotlandiyadan “Harts”.
“Qarabağ” komandası 2014-2015, 2015-2016, 2016-2017, 2018-2019, 2019-2020, 2020-2021 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb, 2021-2022-ci il mövsümündə Konfrans Liqasının qrup mərhələsində yer alaraq növbəti raunda vəsiqə əldə edib.
