Naxçıvanın yeddi ayı, orta maaşı
Naxçıvan Muxtar Respublikasının Dövlət Statistika Komitəsi bildirir ki, 2022-ci ilin yanvar-iyul aylarında bölgədə ümumi daxili məhsul istehsalı ötən ilin eyni dövründəki göstəricini 2,3 faiz üstələyib. Adambaşına ümumi daxili məhsul 3563,5 manat göstərilir.
Hesabata görə, 2021-ci ilin yanvar-iyul aylarına nəzərən sənayedə 2,2 faiz, kənd təsərrüfatında 3,4 faiz, informasiya və rabitə xidmətlərinin dəyərində 3,2 faiz, sərmayə yatırımında 1,5 faiz, kreditlərin məbləğində 30,1 faiz artım qeydə alınıb.
Muxtar respublikada 384 növdə məhsul istehsal olunduğu, 350 növdə məhsula tələbatın tamamilə yerli imkanlar hesabına ödəndiyi vurğulanır.
İyulun 1-nə muxtar respublika iqtisadiyyatında orta aylıq əməkhaqqının 593,4 manata çatdığı qeyd olunur.
