Qolsuz heç-heçə
UEFA Çempionlar Liqasının 2022-2023 mövsümü qrup mərhələsinə yön alıb. Novator.az-ın məlumatına görə, Azərbaycan təmsilçisi “Qarabağ” avqustun 17-də dördüncü raundun – son ələmənin ilk oyununu keçirib. Bakıda “Viktoriya” (Çexiya) ilə üz-üzə gələn komanda meydandan sülhlə ayrılıb – 0:0.
Cavab oyunu avqustun 23-nə təyin olunub. Ələnən komanda Avropa Liqasına adlayacaq.
Çempionlar Liqasının qrup mərhələsinə bu komandalar birbaşa vəsiqə alıb: İngiltərədən “Mançester Siti”, “Liverpul”, “Çelsi”, “Tottenhem”, İspaniyadan “Real”, “Barselona”, “Atletiko”, “Sevilya”, İtaliyadan “Milan”, “İnter”, “Napoli”, “Yuventus”, Almaniyadan “Bavariya”, “Borussiya” (Dortmund), “Bayer”, “Leypsiq”, “Ayntraxt” (Frankfurt), Fransadan PSJ, “Marsel”, Portuqaliyadan “Portu”, “Sportinq”, Niderlanddan “Ayaks”, Belçikadan “Brügge”, Avstriyadan “Zalsburq”, Şotlandiyadan “Seltik”, Ukraynadan “Şaxtyor”.
