Üçüncü raund sülhlə yarılandı
UEFA Çempionlar Liqasının 2022-2023 mövsümündə Azərbaycanı təmsil edən “Qarabağ” üçüncü mərhələnin ilk oyununu keçirib. Novator.az-ın məlumatına görə, avqustun 3-ü Bakıda Macarıstanın “Ferensvaroş” komandasını qəbul edən “Qarabağ” sülh bağlayıb – 1:1.
Cavab matçı avqustun 9-u Budapeştdə oynanacaq.
Rəqibini ələsə, “Qarabağ” dördüncü raundda ya “Şerif” (Moldova), ya da “Viktoriya” (Çexiya) ilə üz-üzə gələcək.
“Ferensvaroş” səddini keçə bilməyəcəyi halda “Qarabağ” Avropa Liqasına köçərək ikinci raundda ya “Şemrok Rovers”ə (İrlandiya), ya da “Şkupi”yə (Şimali Makedoniya) rəqib olacaq.
Çempionlar Liqasının dördüncü mərhələsində ələnən komandalar Avropa Liqasına, Avropa Liqasının ikinci mərhələsində ələnən komandalar Konfrans Liqasına adlayacaq.
