Badam emalı zavodu açılıb
Avqustun 3-də prezident İlham Əliyev və birinci vitse-prezident Mehriban Əliyeva Bakıda “Grand-Agro İnvitro” Məhdud Məsuliyyətli Cəmiyyətinin müəssisəsinin fəaliyyəti ilə tanış olublar və “Azbadam” Məhdud Məsuliyyətli Cəmiyyətinin badam emalı zavodunun açılışında iştirak ediblər.
AZƏRTAC-ın arayışına görə, 2017-ci ildə fəaliyyətə başlayan “Grand-Agro İnvitro” MMC məhsuldar meyvə və digər bitki tingləri yetişdirməklə məşğuldur.
Badam emalı zavodu isə “Azbadam” Məhdud Məsuliyyətli Cəmiyyətinə məxsus istehsal müəssisəsidir. 2017-2019-cu illərdə Abşeron rayonunun Qala və Bilgəh qəsəbələrində badam bağları salınıb.
İkinci mərhələdə yaradılan zavod ölkədə ilk badam emalı müəssisəsidir. Zavodda məhsulun ilkin emalı, sındırılması, qurudulması və çeşidlənməsi nəzərdə tutulur.
