UEFA-nın klub turnirlərinin 2022-2023 mövsümündəki Azərbaycan komandalarının növbəti mümkün rəqibləri bəlli olub. Novator.az bildirir ki, Çempionlar Liqasında mübarizə aparan “Qarabağ” üçüncü mərhələdə Macarıstanın “Ferensvaroş” komandasını ələsə, dördüncü raundda ya “Şerif” (Moldova), ya da “Viktoriya” (Çexiya) ilə üz-üzə gələcək.
“Ferensvaroş” səddini keçə bilməyəcəyi halda “Qarabağ” Avropa Liqasına köçərək ikinci raundda ya “Şemrok Rovers”ə (İrlandiya), ya da “Şkupi”yə (Şimali Makedoniya) rəqib olacaq.
Konfrans Liqasında yarışan “Neftçi” üçüncü mərhələdə Avstriyanın “Rapid” komandasını turnirdən kənarlaşdırsa, dördüncü mərhələdə ya “Vaduts” (Lixtenşteyn), ya da “Konyaspor” (Türkiyə) ilə görüşəcək.
Reqlamentə görə, Çempionlar Liqasının dördüncü mərhələsində ələnən, qruplarında üçüncü yeri tutan komandalar Avropa Liqasına, Avropa Liqasının ikinci mərhələsində ələnən, qruplarında üçüncü yeri tutan komandalar Konfrans Liqasına adlayacaq.
Mənbə: Uefa.com
