PFL-in yeni prezidenti
İyulun 29-da Peşəkar Futbol Liqasının (PFL) konfransı keçirilib. Konfransda Ramin Musayevin PFL-in prezidenti postundan istefası qəbul olunub, Elxan Səmədov prezident seçilib.
2008-ci ildə yaradılan PFL Azərbaycan premyer liqası, Azərbaycan kuboku, I divizion yarışlarının keçirilməsinə cavabdehdir. Ramin Musayev quruma yarandığı gündən prezidentlik edirdi.
Novator.az bildirir ki, Elxan Səmədov 1974-cü ildə Bakıda doğulub. Azərbaycan Dövlət Dillər Universitetini və həmin təhsil ocağının aspiranturasını bitirib. Filologiya elmləri namizədidir.
Neft sahəsində çalışıb, Təhsil Nazirliyində, Dünya Bankında məsul vəzifələr tutub.
Azərbaycan Futbol Federasiyaları Assosiasiyasında (AFFA) uşaq futbolunun inkişafı şöbəsinin direktoru, Gənclər və İdman Nazirliyinin məmuru olub.
2021-ci ildən AFFA-da hakimlərə video yardımı (VAR) şöbəsinin rəhbəri idi.
Futbol, futzal, mini futbol, çimərlik futbolu üzrə peşəkar və həvəskar yarışlarda iştirak edib, məşqçilik lisenziyası var.
