Yerli buğdaya rəsmi qiymət qoyuldu
Prezidentin 19 iyul fərmanını əsas götürən Nazirlər Kabineti yerli ərzaqlıq buğdanın bir tonunun dövlət tədarük qiymətini 2022-ci il üçün 580 manat müəyyən edib. Rəsmi xəbər iyulun 28-də yayılıb.
İyulun 19-da imzalanan prezident fərmanına görə, Kənd Təsərrüfatı Nazirliyi ilə bağlanmış müqavilə əsasında ərzaqlıq buğda istehsalı öhdəliyi götürmüş şəxslərin istehsal etdiyi və Dövlət Ehtiyatları Agentliyinə, un dəyirmanlarına təhvil verilən ərzaqlıq buğdaya 2023-cü ildən başlayaraq 5 il müddətində məhsul subsidiyası tətbiq edilir. Nazirlər Kabinetinə ərzaqlıq buğdanın dövlət tədarük qiymətini müəyyən etmək həmin fərmanla tapşırılmışdı.
