Azərbaycan nefti iyulda nə qədər ucuzlaşıb?
İyul ayında Azərbaycan nefti 12,88 dollar ucuzlaşıb.
Novator.az bildirir ki, 2022-ci ilin dövlət büdcəsində bir barrel neftin qiyməti 85 dollardır. “AzəriLayt” markalı Azərbaycan nefti yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40 dollarla başlayıb.
AZƏRTAC-ın 28 iyul məlumatına görə, “AzəriLayt”ın barreli 110,52 dollara satılır.
Energetika Nazirliyi gündəlik xam neft hasilatını yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel, iyunda 523,5 min barrel göstərib.
Neft ixracatçılarının beynəlxalq koalisiyası iyul üçün gündəlik hasilat normasını 706 min barrel, avqust üçün 717 min barrel müəyyən edib.
