Mehmanxana: gəlirlər 63,1 faiz artıb
2022-ci ilin yanvar-iyun aylarında Azərbaycanın mehmanxanaları və eyni tipli obyektlərində 1 milyon 27 min gecələmə keçirilib. Hesabatı yayan Dövlət Statistika Komitəsi gecələmələrin 2021-ci ilin ilk yarısı ilə müqayisədə 47,8 faiz artdığını bildirir.
Açıqlamaya görə, gecələmələrin 55,1 faizi Bakıda, 6,8 faizi Qəbələdə, 6,8 faizi Qubada, 5,5 faizi Qusarda, 5,5 faizi Şabranda, 3,3 faizi Lənkəranda, 3 faizi Naftalanda, 2,2 faizi Naxçıvan Muxtar Respublikasında, 1,3 faizi Xaçmazda, 1,1 faizi Şamaxıda, 0,9 faizi Şuşada, 8,5 faizi digər şəhər və rayonlarda qeydə alınıb.
Yarım ildə mehmanxana və mehmanxana tipli obyektlərin gəlirlərinin 2021-ci ilin eyni dövrü ilə müqayisədə 63,1 faiz artaraq 147 milyon manat olduğu vurğulanır.
