Masallının icra başçısı dəyişdi
Prezident İlham Əliyev Şahin Kərim oğlu Məmmədovu Masallı Rayon İcra Hakimiyyətinin başçısı vəzifəsindən azad edib. Sərəncam iyulun 25-də imzalanıb.
Başqa bir sərəncamla Araz Süleyman oğlu Əhmədov Masallı Rayon İcra Hakimiyyətinin başçısı təyin edilib.
Novator.az bildirir ki, 1959-cu ildə Bərdə şəhərində doğulan Şahin Məmmədov indiki Azərbaycan Dövlət İqtisad Universitetini bitirib. Bərdə Rayon Komsomol Komitəsində məsul vəzifələr tutub, Bərdə Rayon İcra Hakimiyyəti başçısının müavini, Samux Rayon İcra hakimiyyətinin, Ağcabədi Rayon İcra Hakimiyyətinin başçısı olub. Masallı Rayon İcra Hakimiyyətinin başçısı postunu 20 noyabr 2019-cu ildən tutub.
Prezidentin 25 iyul sərəncamları ilə Əkbər Bəxtiyar oğlu Abbasov Lerik Rayon İcra Hakimiyyətinin, Elvin Nazim oğlu Paşayev Göygöl Rayon İcra Hakimiyyətinin başçısı vəzifəsinə təyinat alıb.
