Ukrayna qrivnası Azərbaycanda da düşdü
Azərbaycan Mərkəzi Bankı iyulun 22-də Ukrayna qrivnasına 0,0463 manat qiymət qoyub. Bu, ötən günlə müqayisədə 0,0115 manat aşağı qiymətdir. İyulun 21-də qrivna 0,0578 manata satılıb.
Novator.az bildirir ki, iyulun 21-də Ukrayna Milli Bankı qrivnanın ABŞ dollarına məzənnəsini kəskin dəyişib. 25 faiz devalvasiya nəticəsində dolların rəsmi qiyməti 36,5 qrivnanı ötüb. Devalvasiya Rusiyanın total təcavüzü nəticəsində Ukrayna iqtisadiyyatının tənəzzülə uğraması və ABŞ dollarının son aylar dünya valyutaları qarşısında dəyər artırması ilə əsaslandırılıb.
