İtaliyada erkən seçki yolu
İtaliya növbədənkənar parlament seçkisinə gedir. Prezident Serco Mattarella iyulun 21-də parlamentin hər iki palatasını buraxıb.
Novator.az bildirir ki, aşağı palata (Deputatlar Palatası) 630, yuxarı palata (Senat) 315 nəfərdən (+6 ömürlük senatordan) ibarətdir. 2020-ci il sentyabrın 20-21-də keçirilmiş konstitusiya referendumunda aşağı palatada deputatların sayı 400-ə, yuxarı palatada senatorların sayı 200-ə düşüb.
İtaliyada əsas siyasi fiqur baş nazirdir. Hökumət parlamentin hər iki palatasına beş ildən bir keçirilən seçkilərin nəticələri əsasında formalaşır. Dövlət başçısı olan prezidenti parlament palataları üzvləri və bölgə təmsilçilərini birləşdirən kollegiya seçir.
İyulun 21-də baş nazir Mario Draqi hökumətin bəzi siyasi qüvvələrin dəstəyini itirdiyini əsas gətirərək istefa verib. Prezident Serco Mattarella istefanı qəbul edərək baş nazirə və hökumətə səlahiyyətlərin icrasını davam etdirməyi tapşırıb.
Mario Draqi partiyasızdır. Onun hökuməti 2021-ci il fevralın 13-də qurulub.
2018-ci il martın 4-də Deputatlar Palatasına və Senata seçkidən sonra formalaşmış iki hökumətə Cüzeppe Konte rəhbərlik edib.
