Naxçıvanın makroiqtisadi göstəriciləri
Naxçıvan Muxtar Respublikasının Dövlət Statistika Komitəsi makroiqtisadi hesabat yayıb. Novator.az bildirir ki, rəsmi məlumata görə, 2022-ci ilin yanvar-iyun aylarında ümumi daxili məhsul istehsalı 1 milyard 363 milyon manatı ötüb, bu da bir il öncəki göstəricidən 2,2 faiz çoxdur.
Hər bir nəfərə düşən ümumi daxili məhsul 2942,8 manat göstərilir.
2021-ci ilin ilk yarısı ilə müqayisədə sənayedə 2,1 faiz, sərmayə qoyuluşunda 1,4 faiz, kənd təsərrüfatında 3,7 faiz, nəqliyyat sektorunda yük daşınmasında 1,7 faiz, informasiya və rabitə xidmətlərində 2,6 faiz, pərakəndə əmtəə dövriyyəsində 1,7 faiz, əhaliyə göstərilən ödənişli xidmətlərdə 1,5 faiz artım qeydə alındığı vurğulanır.
Hesabata əsasən, yarım ildə muxtar respublikada sahibkarlara 24,3 milyon manat kredit verilib: “Muxtar respublikada 384 növdə məhsul istehsal olunur, 350 növdə məhsula tələbat tamamilə yerli imkanlar hesabına ödənir”.
2022-ci il iyunun 1-nə bir işçiyə hesablanmış orta aylıq əməkhaqqının məbləğinin 587,9 manata çatdığı, yanvar-iyun aylarında 144 yeni iş yerinin yaradıldığı bildirilir.
