İxrac və idxalda əsas məhsullar
2022-ci ilin yanvar-iyun aylarında Azərbaycandan ixracın 17 milyard 21,5 milyon dolları neft-qaz sektorunun payına düşüb, 35,2 milyon dollar dəyərində elektrik enerjisi ixracı rəsmiləşib.
Novator.az bildirir ki, Dövlət Gömrük Komitəsi meyvə-tərəvəz ixracını 328,1 milyon dollar, kimya sənayesi məhsulları ixracını 188,4 milyon dollar, plastmas və ondan hazırlanan məmulatlar ixracını 170,3 milyon dollar, pambıq lifi ixracını 138,6 milyon dollar, alüminium və ondan hazırlanan məmulatlar ixracını 137,5 milyon dollar, qara metallar və onlardan hazırlanan məmulatlar ixracını 66,8 milyon dollar, pambıq iplik ixracını 24,8 milyon dollar, bitki və heyvan mənşəli piylər və yağlar ixracını 16 milyon dollar, sement ixracını 13,3 milyon dollar, tərəvəz və meyvələrin emal məhsulları ixracını 10,6 milyon dollar, şəkər ixracını 9,6 milyon dollar, alkoqollu və alkoqolsuz içkilər, sirkə ixracını 6,3 milyon dollar, çay ixracını 6,2 milyon dollar göstərir.
Məhsullar üzrə yarım illik idxal göstəriciləri belədir: maşın, mexanizm, elektrik aparatları, avadanlıqlar və onların hissələri – 1 milyard 275,7 milyon dollar, yeyinti məhsulları – 1 milyard 56,9 milyon dollar, nəqliyyat vasitələri və onların hissələri – 781,6 milyon dollar, qara metallar və onlardan hazırlanan məmulatlar – 444,9 milyon dollar, əczaçılıq məhsulları – 330,8 milyon dollar, plastmas və ondan hazırlanan məmulatlar – 223,9 milyon dollar, oduncaq və ondan hazırlanan məmulatlar – 165,7 milyon dollar, geyim və geyim üçün ləvazimatlar – 118 milyon dollar, mebel və onun hissələri – 50,2 milyon dollar, tütün və tütün məmulatları – 40,4 milyon dollar, gübrələr – 31,7 milyon dollar.
