İş və işsizlik hesabatı
Dövlət Statistika Komitəsi 2022-ci il iyulun 1-nə işsizlərin sayını 308,2 min nəfər göstərib.
Novator.az bildirir ki, hesabata görə, 5 milyon 334,3 min nəfər iqtisadi fəal şəxsin 5 milyon 26,1 mini məşğul əhali kimi rəsmiləşib.
1 milyon 706 min nəfər muzdlu işçinin 903,5 mininin dövlət sektorunda, 802,5 mininin qeyri-dövlət sektorunda çalışdığı vurğulanır.
Neft-qaz sektorunda 30,9 min, qeyri neft-qaz sektorunda 1 milyon 675,1 min nəfər muzdlu işçinin qeydə alındığı xəbər verilir.
“İşsizlikdən sığorta haqqında” qanuna əsasən, əmək münasibətlərinə əmək müqaviləsinin müddətinin bitməsi əsasları ilə xitam verilmiş, müddətli əmək müqaviləsi üzrə ən azı 2 il 6 ay fasiləsiz iş stajı olan şəxslər minimum əməkhaqqı qədər sığorta ödənişı alır. Dövlət orqanı və ya hüquqi şəxs ləğvi edildikdə, işçilərin və ya dövlət qulluqçularının sayı və ya ştatları ixtisar edildikdə işsizlikdən sığorta ödənişi üçün azı 1 il sığorta stajı tələb olunur və ödəniş işçinin itirilmiş orta aylıq əməkhaqqının 50 faizi məbləğində hesablanır.
