Gömrük Komitəsinin rəhbəri
Novator.az Dövlət Gömrük Komitəsi sədri vəzifəsinin icraçısı Şahin Bağırovun bioqrafiyasına nəzər salıb.
1965-ci il yanvarın 12-si Bakıda doğulan Şahin Bağırov Voronej Dövlət Universitetinin (Rusiya) iqtisadiyyat fakültəsini, Rusiya Gömrük Akademiyasının gömrük işinin təşkili fakültəsini, həmin təhsil ocağının aspiranturasını bitirib. İqtisad elmləri namizədidir.
Aqrar Sənaye Kompleksi sistemində çalışıb, 1992-ci ildən gömrük sistemində xidmət edib, Dövlət Gömrük Komitəsi sədrinin müavini vəzifəsinə qədər yüksəlib. Gömrük xidməti general-leytenantıdır.
2019-2022-ci illərdə Vergilər Nazirliyində və İqtisadiyyat Nazirliyi yanında Əmlak Məsələləri Dövlət Xidmətində fəaliyyət göstərib.
“Dövlət qulluğunda fərqlənməyə görə” medalı, 3-cü və 2-ci dərəcəli “Vətənə xidmətə görə” ordenləri ilə təltif edilib.
2022-ci il iyulun 18-də prezident sərəncamı ilə Dövlət Gömrük Komitəsi sədrinin birinci müavini təyin edilən Şahin Bağırova sədr vəzifəsinin müvəqqəti icrası həvalə olunub.
1992-ci il yanvarın 30-da yaradılan Gömrük Komitəsinə indiyə qədər bu şəxslər sədrlik edib: Maqsud Məmmədov, Tofiq Kərimov, İbrahim Vəliyev, Tahir Əliyev, Kəmaləddin Heydərov, Aydın Əliyev, Səfər Mehdiyev.
