Yarım ilin xarici ticarəti
Dövlət Gömrük Komitəsi 2022-ci ilin ilk yarısının xarici ticarət göstəricilərini açıqlayıb. Novator.az bildirir ki, hesabata görə, yanvar-iyun aylarında 165 ölkə ilə ticarət əməliyyatı aparılıb, 18 milyard 479,2 milyon dollarlıq ixrac, 6 milyard 356,9 milyon dollarlıq idxal rəsmiləşib, dövlət büdcəsinə 2 milyard 539,7 milyon manat ödənib.
Statistikaya əsasən, ixracın 92,1 faizi neft-qaz sektoru mallarıdır, idxalda ən böyük pay maşın, mexanizm, elektrik avadanlıqları və onların hissələrini əhatə edib: 20,07 faiz.
İxracın 4,7 faizinin MDB ölkələrinin, 62,4 faizinin Avropa İttifaqı ölkələrinin, 32,9 faizinin başqa ölkələrin payına düşdüyü, idxalda MDB-nin payının 29,4 faiz, Avropa İttifaqının payının 15,5 faiz, başqa ölkələrin payının 55,1 faiz, ticarət dövriyyəsi və ixrac üzrə əsas tərəfdaşın İtaliya, idxal üzrə əsas tərəfdaşın Rusiya olduğu vurğulanır.
