İkinci səddin yarısı aşıldı
UEFA Çempionlar Liqasının 2022-2023 mövsümündə ikinci təsnifat mərhələsi start götürüb. Novator.az-ın məlumatına görə, Azərbaycan təmsilçisi “Qarabağ” iyulun 19-u Bakıda İsveçrənin “Sürix” komandasını 3:2 hesabı ilə yenib.
Cavab görüşü iyulun 27-nə təyin olunub.
Turnirə birinci mərhələdən qoşulan “Qarabağ” Polşanın “Lex” komandasını ələyib (5:1, 0:1).
“Qarabağ” ikinci mərhələni keçsə, üçüncü mərhələdə ya Macarıstandan “Ferensvaroş”, ya da Slovakiyadan “Slovan” ilə üz-üzə gələcək.
Dördüncü – sonuncu təsnifat mərhələsinin mümkün rəqibləri içində “Kopenhagen” (Danimarka) var.
İkinci mərhələdə ələnəcəyi halda “Qarabağ” Avropa Liqasına keçərək ya Şimali İrlandiyadan “Linfild”, ya da Norveçdən “Bode-Qlimt”ə rəqib olacaq.
