Neft Fondunun gəlir-çıxarı
Dövlət Neft Fondu bildirir ki, 2022-ci il iyulun 1-nə qurumun aktivləri 45 milyard 306,8 milyon ABŞ dollarına çatıb. Fondun yanvar-iyun ayları üzrə büdcə gəlirləri 6 milyard 935,2 milyon manat, büdcə xərcləri 4 milyard 663,2 manat göstərilir.
Hesabata görə, yarım ildə dövlət büdcəsinə 4 milyard 648 milyon manat köçürülüb, Azərbaycanda ali təhsil sisteminin beynəlxalq rəqabətliliyi proqramının (2019-2023-cü illər) icrasına 4,2 milyon manat yönəldilib, fondun idarə edilməsinə 11 milyon manat xərclənib.
Valyuta məzənnələrinin dəyişməsindən yaranan fərqlə bağlı büdcədənkənar xərclərin 1 milyard 793,3 milyon manat olduğu vurğulanır.
