![]({"full":{"0":"2021\/05\/DGK-son.jpg","1":757,"2":446,"3":false,"file":"https:\/\/novator.az\/wp-content\/uploads\/2021\/05\/DGK-son.jpg"}})
Novator.az Dövlət Gömrük Komitəsinin rəhbər heyətinin tərkibinə nəzər salıb.
2018-ci ildən komitə sədrinin birinci müavini postunu İsmayıl Hüseynov tutur. İsmayıl Hüseynov 1974-cü ildə doğulub, gömrük xidməti general-leytenantıdır.
Sədrin dörd müavini var.
1961-ci il təvəllüdlü Rza Həsənəliyev gömrük xidməti general-leytenantıdır, sədr müavini vəzifəsində 1999-cu ildən əyləşir.
1963-cü il təvəllüdlü Əsgər Abdullayev gömrük xidməti general-leytenantıdır, müavin vəzifəsinə 2006-cı ildə təyinat alıb.
1964-cü il təvəllüdlü İqbal Babayev gömrük xidməti general-mayorudur, 2018-ci ildən sədr müavinidir.
1967-ci il təvəllüdlü Cavad Qasımov gömrük xidməti general-mayorudur, 2018-ci ildən sədr müavinidir.
Gömrük xidməti general-polkovniki Səfər Mehdiyev 2022-ci il iyulun 15-də Dövlət Gömrük Komitəsinin sədri vəzifəsindən azad edilib. 1973-cü il təvəllüdlü Səfər Mehdiyev 23 aprel 2018-ci ildən Dövlət Gömrük Komitəsinin sədri idi.
Dövlət Gömrük Komitəsinin strukturu belədir: Aparat; ərazi gömrük idarələri (Bakı Baş Gömrük İdarəsi, Sumqayıt Baş Gömrük İdarəsi, Şimal Ərazi Baş Gömrük İdarəsi, Cənub Ərazi Baş Gömrük İdarəsi, Qərb Ərazi Baş Gömrük İdarəsi); ixtisaslaşdırılmış gömrük idarələri (Hava Nəqliyyatında Baş Gömrük İdarəsi, Enerji Resursları və Dəniz Nəqliyyatında Baş Gömrük İdarəsi, Aksizli Mallar üzrə Baş Gömrük İdarəsi); digər qurumlar (Tibbi Xidmət İdarəsi, Avtomobil Nəqliyyatı İdarəsi, Mərkəzi Gömrük Ekspertizası İdarəsi, Baş Gömrük Mühafizə Xidməti, Dövlət Gömrük Komitəsinin Akademiyası, “Azərterminalkompleks” Birliyi, İdman-Sağlamlıq Mərkəzi, Kinoloji Mərkəz).