Estoniyada yeni hökumət
İyulun 18-i Estoniyada yeni hökumət qurulub. Novator.az bildirir ki, İslahatçılar, Vətən və Sosial Demokrat partiyalarının daxil olduğu koalisiyada baş nazir postuna əvvəlki hökumətin rəhbəri Kaya Kallas əyləşib.
Kaya Kallas iyulun 14-də baş nazirlikdən ayrılmış, hökumət istefaya getmişdi.
1977-ci il təvəllüdlü Kaya Kallas İslahatçılar Partiyasının sədridir. Baş nazir vəzifəsinə ilk dəfə 2021-ci il yanvarın 25-də təyin olunmuş Kaya Kallasın istefası hökumətdə parçalanma yaranması ilə bağlı idi.
Estoniyada hökumət parlament seçkisinin nəticələri əsasında formalaşır. 2019-cu il martın 3-də seçilmiş indiki parlamentdə İslahatçılar Partiyası, Mərkəz Partiyası, Mühafizəkar Xalq Partiyası, Vətən Partiyası, Sosial Demokrat Partiyası təmsil olunur.
Prezident postunu 1958-ci il təvəllüdlü Alar Karis tutur. O, 2021-ci il avqustun 31-i parlamentdə dövlət başçısı seçilib.
