Azərbaycan komandalarının mümkün rəqibləri
İyulun 18-də UEFA Çempionlar Liqası və Konfrans Liqasında üçüncü raundların, Avropa Liqasında birinci mərhələnin püşkü atılıb.
Azərbaycanı Çempionlar Liqasında təmsil edən “Qarabağ” ikinci mərhələdə İsveçrənin “Sürix” komandasını keçsə, üçüncü mərhələdə ya Macarıstandan “Ferensvaroş”, ya da Slovakiyadan “Slovan” ilə üz-üzə gələcək. İkinci mərhələdə ələnəcəyi halda “Qarabağ” Avropa Liqasına keçərək birinci mərhələdə ya Şimali İrlandiyadan “Linfild”, ya da Norveçdən “Bode-Qlimt”ə rəqib olacaq.
Konfrans Liqasında Azərbaycan üç komanda ilə təmsil olunur. İkinci mərhələdə “Neftçi”yə Kiprdən “Aris”, “Zirə”yə İsraildən “Makkabi” (Tel-Əviv), “Qəbələ”yə Macarıstandan “Fehervar” rəqib olub. Bu sədd aşılsa, üçüncü mərhələdə “Neftçi” ya Avstriyadan “Rapid”, ya da Polşadan “Lexiya”, “Zirə” ya Belarusdan “Qomel”, ya da Yunanıstandan “Aris”, “Qəbələ” ya Moldovadan “Petrokub”, ya da Albaniyadan “Laçi” ilə görüşəcək.
