Prezidentdən yeni təyinatlar
İyulun 15-də sərəncamlar imzalayan prezident İlham Əliyev İlqar Rza oğlu Abbasovu Strateji Obyektlərin Mühafizəsi Dövlət Agentliyinin rəisi təyin edib, ona general-mayor ali hərbi rütbəsi verib.
Başqa sərəncamlarla İlqar Əli oğlu Musayev Dövlət Təhlükəsizliyi Xidməti rəisinin müavini vəzifəsindən Xüsusi Rabitə və İnformasiya Təhlükəsizliyi Dövlət Xidmətinin rəisi postuna keçirilib.
2020-ci il martın 16-da Xüsusi Dövlət Mühafizə Xidməti ləğv edilib, onun əsasında üç qurum yaradılıb: Prezidentin Təhlükəsizlik Xidməti; Xüsusi Rabitə və İnformasiya Təhlükəsizliyi Dövlət Xidməti; Strateji Obyektlərin Mühafizəsi Dövlət Agentliyi. Həmin gün Bəylər Eyyubov Prezidentin Təhlükəsizlik Xidmətinin rəisi təyin edilib.
