Avro geriyə gedir
İyulun 14-də Azərbaycan Mərkəzi Bankı avronu 1,7040 manata təklif edir. Novator.az bildirir ki, bu, 2022-ci ilin ən aşağı rəsmi kursudur. Avro ilə 1,9191 manatla qədəm qoyub, yanvarda ən yüksək kurs 1,9506, fevralda 1,9494, martda 1,9039, apreldə 1,8810, mayda 1,8267, iyunda 1,8271, iyulda 1,7744 manat olub.
Nağdsız dövriyyəyə 1999-cu il yanvarın 1-də buraxılan avro 2002-ci il yanvarın 1-dən real pul vahidi kimi işlədilir, Avropa İttifaqının 19 ölkəsində milli valyuta sayılır: Almaniya, Avstriya, Belçika, Estoniya, Finlandiya, Fransa, İrlandiya, İspaniya, İtaliya, Kipr, Latviya, Litva, Lüksemburq, Malta, Niderland, Portuqaliya, Slovakiya, Sloveniya, Yunanıstan.
Avropa İttifaqı üzvü olmayan daha 6 ölkə avro zonasına daxildir: Andorra, Kosovo, Monako, Monteneqro, San Marino, Vatikan.
Avronun dəyər itirməsi dünyada yeni böhran dalğası ilə əlaqələndirilir.
