İfadə azadlığı reytinqi
“Article 19” beynəlxalq hüquq müdafiə təşkilatı ifadə və informasiya azadlığı hesabatı yayıb. Novator.az-ın məlumatına görə, hesabat informasiya yaymaq, sərbəst toplaşmaq, hakimiyyəti məsuliyyətə cəlb etmək üçün gərəkli informasiyaya çıxış imkanları kimi meyarlara əsaslanır.
161 ölkənin yer aldığı siyahıda Azərbaycan böhran qrupunda, 136-cı yerdə göstərilir.
Qazaxıstan (123-cü yer), Rusiya (126-cı yer), Özbəkistan (133-cü yer), Türkiyə (141-ci yer), İran (143-cü yer), Tacikistan (149-cu yer), Belarus (157-ci yer), Türkmənistan (160-cı yer) da böhran qrupundadır.
Ukrayna (92-ci yer) və Qırğızıstan (94-cü yer) məhdudiyyətlər tətbiq edilən ölkələr siyahısındadır.
Yumşaq məhdudiyyətlərin olduğu ölkələr içində Gürcüstan (43-cü yer) və Ermənistan (46-cı yer) da var.
Estoniya (5-ci yer), Latviya (10-cu yer), Litva (26-cı yer), Moldova (40-cı yer) açıq ölkələr arasında göstərilir.
“Article 19” 1987-ci ildə Böyük Britaniyada yaradılıb.
