Hasilat statistikası
Energetika Nazirliyinin hesabatına görə, 2022-ci ilin yanvar-iyun aylarında Azərbaycanda kondensatla birlikdə 16,5 milyon ton neft hasil edilib, onun 13,4 milyon tonu ixrac olunub.
Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel göstərilib.
Neft ixracatçılarının OPEK+ koalisiyası iyul üçün gündəlik hasilat normasını 706 min barrel, avqust üçün 717 min barrel müəyyən edib.
Əvvəlki illərin hasilat göstəriciləri belədir: 2008-ci il – 44,5 milyon ton, 2009-cu il – 50,4 milyon ton, 2010-cu il – 50,8 milyon ton, 2011-ci il – 45,6 milyon ton, 2012-ci il – 43,4 milyon ton, 2013-cü il – 43,5 milyon ton, 2014-cü il – 42 milyon ton, 2015-ci il – 41,6 milyon ton, 2016-cı il – 41 milyon ton, 2017-ci il – 38,7 milyon ton, 2018-ci il – 38,8 milyon ton, 2019-cu il – 37,4 milyon ton, 2020-ci il – 34,5 milyon ton, 2021-ci il – 34,6 milyon ton.
2022-ci ilin yenilənən dövlət büdcəsində bir barrel neftin qiyməti 85 dollardır. Novator.az bildirir ki, “AzəriLayt” markalı Azərbaycan neftinin barreli yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40 dollarla başlayıb.
