Gürcüstanın inflyasiya hesabatı
Gürcüstanın Milli Statistika Xidməti inflyasiya açıqlaması yayıb. Novator.az bildirir ki, rəsmi hesabata görə, iyunda 2021-ci ilin eyni ayına nəzərən 12,8 faiz bahalaşma qeydə alınıb.
Çörək və un məmulatlarının 35 faiz, tərəvəzin 33,4 faiz, meyvənin 31,8 faiz, alkoqolsuz içkilərin 24 faiz, süd məhsulları, pendir və yumurtanın 19,5 faiz, qəhvə, çay və kakaonun 18 faiz, balıq məhsullarının 17,9 faiz, şəkər və şirniyyatın 16 faiz, bitki yağları və piylərin 14,9 faiz, ət və ət məhsullarının 11,3 faiz, alkoqollu içkilər və tütün məmulatlarının 7,9 faiz qiymət artırdığı vurğulanır.
Nəqliyyat xidməti üzrə bahalıq göstəricisi 19,4 faiz, mehmanxana, kafe və restoran xidmətləri üzrə 14 faiz, kommunal xidmətlər üzrə 13 faiz, mebel və məişət əşyaları üzrə 8,7 faiz, təhsil sektoru üzrə 3,6 faiz, səhiyyə xidməti üzrə 1,1 faizdir.
Geyim və ayaqqabıların 0,6 ucuzlaşdığı qeyd olunur.
