Energetika Nazirliyinin 8 iyul məlumatına görə, “AzəriLayt” markalı Azərbaycan neftinin barreli 119,72 dollara təklif olunur. Bu, indiki büdcə qiymətindən 34,72 dollar yuxarı qiymətdir.

İyulun 1-dən dövlət büdcəsində bir barrel neftin qiyməti 85 dollardır. Novator.az bildirir ki, “AzəriLayt” yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40 dollarla başlayıb.

Ölkənin gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel göstərilib.

Neft ixracatçılarının OPEK+ koalisiyası iyul üçün gündəlik hasilat normasını 706 min barrel, avqust üçün 717 min barrel müəyyən edib.