Ermənistan hökumətinin 7 iyul iclasında “Hərbi xidmət və hərbi qulluqçunun statusu haqqında” qanuna dəyişikliklər layihəsi təsdiqlənib. Novator.az-ın məlumatına görə, parlamentin müzakirəsinə göndəriləcək layihədə bəzi ali təhsil müəssisələrində oxuyan şəxslərə həqiqi hərbi xidmətdən möhlət hüququnun verilməsi nəzərdə tutulur. Belə ali təhsil ocaqlarının və ixtisasların siyahısını hökumət müəyyən etməlidir.
Layihədə çağırış yaşının son həddinin 27 yaşdan 28 yaşa qaldırılması təklifi də yer alır.
Ermənistanda ali təhsilə görə həqiqi hərbi xidmətdən möhlət hüququ 2017-ci ildə ləğv olunub. Hərbi xidmət müddəti 2 ildir.
