Müdafiə Nazirliyinin 6 iyul məlumatına görə, N hərbi hissəsində hərbi vəzifəlilərin təlim toplanışı keçirilir: “Ehtiyatda olan hərbi vəzifəlilərin cəlb olunduğu toplanışın əsas məqsədi onların döyüş hazırlığının səviyyəsini, bilik və bacarıqlarını artırmaqdır. Hərbi vəzifəlilər döyüş vərdişlərini, təcrübələrini və hərbi ixtisaslarını təkmilləşdirir, orduya yeni qəbul edilən müasir silahlar, hərbi texnika nümunələri ilə yaxından tanış olmaq, eləcə də onlardan istifadə qaydalarını öyrənmək imkanı əldə edirlər”.
Təlim toplanışı iyulun 23-dək davam edəcək.
“Hərbi vəzifə və hərbi xidmət haqqında” qanuna görə, ehtiyatda olan hərbi vəzifəlilər il ərzində bir dəfədən çox olmayaraq 1-2 ayadək müddətə toplanışlara çağırıla bilərlər.
