![]({"full":{"0":"2022\/07\/Ukrayna-muharibesi.jpeg","1":756,"2":397,"3":false,"file":"https:\/\/novator.az\/wp-content\/uploads\/2022\/07\/Ukrayna-muharibesi.jpeg"}})
Ukraynanın işğal və döyüş bölgələri
- 05 İyul 2022
- comments
- hikmet
- Posted in Dünyanın səsiManşetXəbər
Ukraynanın Müvəqqəti İşğal Olunmuş Ərazilərinin Reinteqrasiyası Nazirliyi yeni hesabat yayıb. Novator.az bildirir ki, rəsmi açıqlamaya görə, iyulun 1-nə ölkənin 310 icmasının ərazisi Rusiya işğalında və ya fəal hərbi əməliyyatlar zonasındadır.
Krım yarımadasının daxil olmadığı siyahıda bölgələr belə sıralanır: Donetsk vilayəti – 66 icma, Zaporojye vilayəti – 53, Xarkov vilayəti – 51, Xerson vilayəti – 49, Luqansk vilayəti – 37, Nikolayev vilayəti – 24, Sumı vilayəti – 18, Dnepropetrovsk vilayəti – 7, Çerniqov vilayəti – 5.
2014-cü ildə Rusiya Ukraynanın Krım yarımadasını işğal edərək özünə birləşdirib, Donetsk və Luqansk vilayətlərinin bir hissəsini tutaraq həmin ərazilərdə iki separatçı rejim qurub. 2022-ci il fevralın 21-də Rusiya həmin rejimləri müstəqil dövlətlər kimi tanıyıb, fevralın 24-dən isə Ukraynada total hərbi əməliyyatlar aparır.
Ukraynanın 603 min 548 kvadrat kilometr ərazisi var. Statistikaya görə, ərazinin 20,8 faizi – 126,1 min kvadrat kilometr hissəsi zəbt olunub.