Sıfırlı siftə
UEFA Çempionlar Liqasının 2022-2023 mövsümündə birinci mərhələ start götürüb. Novator.az-ın məlumatına görə, Azərbaycan təmsilçisi “Qarabağ” iyulun 5-i Polşada “Lex” komandasına məğlub olub – 0:1.
Cavab oyunu iyulun 12-si Bakıda keçiriləcək.
Birinci mərhələdə ələnəcəyi halda “Qarabağ” Konfrans Liqasına keçərək ya Slovakiyadan “Slovan”, ya da Gürcüstandan “Dinamo” (Batumi) ilə üz-üzə gələcək.
İkinci mərhələyə (19-27 iyul) keçəcəyi halda “Qarabağ” İsveçrənin “Sürix” komandasına rəqib olacaq.
Üçüncü mərhələnin (2-9 avqust) mümkün rəqibləri içində “Apollon” (Kipr), dördüncü mərhələnin (16-24 avqust) mümkün rəqibləri içində “Kopenhagen” (Danimarka) var.
Turnirin qrup mərhələsi sentyabrın 6-da başlayıb noyabrın 2-də bitəcək.
