Daxili İşlər Nazirliyinin dörd polkovnikinə polis general-mayoru ali xüsusi rütbəsi verilib: Canpolad Alı oğlu Daanov, Namiq Zirəddin oğlu Həsənov, Vüqar Hidayət oğlu Ələkbərov, Sərdar Süleyman oğlu Səfərov. Prezident İlham Əliyev sərəncamı iyulun 1-də imzalayıb.

İyulun 2-si Azərbaycanda Polis Günü kimi qeyd olunur.

1918-ci ildə qurulan Daxili İşlər Nazirliyi 1920-1950-ci illərdə təhlükəsizlik orqanları ilə bir strukturda fəaliyyət göstərib, Xalq Daxili İşlər Komissarlığı, Birləşmiş Dövlət Siyasi İdarəsi, Xalq Dövlət Təhlükəsizliyi Komissarlığı, Dövlət Təhlükəsizlik Nazirliyi adları daşıyıb.