Korrupsiyaya Qarşı Mübarizə üzrə Komissiya
Novator.az Korrupsiyaya Qarşı Mübarizə üzrə Komissiyanın üzvlərini təqdim edir.
3 mart 2004-ci ildə yaradılmış 15 nəfərlik qurumun 5 üzvünün təyinatı prezidentin, 5 üzvünün təyinatı Milli Məclisin, 5 üzvünün təyinatı Konstitusiya Məhkəməsinin səlahiyyətindədir.
Prezidentin təyin etdiyi üzvlər:
Samir Nuriyev – komissiyanın sədri, Prezident Administrasiyasının rəhbəri
Fuad Ələsgərov – prezidentin köməkçisi, Prezident Administrasiyasının hüquq mühafizə orqanları ilə iş şöbəsinin müdiri
Gündüz Kərimov – Prezident Administrasiyasının qanunvericilik və hüquq siyasəti şöbəsinin müdiri, birinci vitse-prezidentin köməkçisi
Vilayət Eyvazov – daxili işlər naziri
Əli Nağıyev – Dövlət Təhlükəsizliyi Xidmətinin rəisi.
Milli Məclisin təyin etdiyi üzvlər:
Adil Əliyev – Milli Məclis sədrinin müavini
Əminə Ağazadə – deputat
Elşad Mirbəşir oğlu – deputat
Arzu Nağıyev – deputat
Fərid Hacıyev – Milli Məclis Aparatının rəhbəri.
Konstitusiya Məhkəməsinin təyin etdiyi üzvlər:
Fərhad Abdullayev – Konstitusiya Məhkəməsinin sədri
Fikrət Məmmədov – Məhkəmə-Hüquq Şurasının sədri, ədliyyə naziri
Kamran Əliyev – baş prokuror
Ramiz Rzayev – Ali Məhkəmənin sədri
Anar Bağırov – Vəkillər Kollegiyasının Rəyasət Heyətinin sədri.
Ramin Vəlizadənin katiblik etdiyi komissiyanın əsas vəzifələri əsasnamədə belə sıralanır: korrupsiyaya qarşı mübarizə sahəsində dövlət siyasətinin formalaşdırılmasında iştirak, bu sahədə dövlət orqanlarının və digər qurumların fəaliyyətini əlaqələndirmək; korrupsiyaya qarşı mübarizənin vəziyyətini və səmərəliliyini təhlil etmək; korrupsiyaya qarşı mübarizə üzrə dövlət proqramlarının icrasına nəzarət; “Korrupsiyaya qarşı mübarizə haqqında” qanunda nəzərdə tutulan maliyyə xarakterli məlumatları qəbul etmək və onların təqdim edilməsinə nəzarət; korrupsiya ilə əlaqədar hüquqpozmalarla bağlı məlumatları toplamaq, təhlil etmək, ümumiləşdirmək və müvafiq dövlət orqanlarına və digər qurumlara təkliflər vermək, habelə korrupsiya ilə əlaqədar hüquqpozmalar barədə məlumat verən şəxsin konfidensiallığını təmin etmək; korrupsiyaya qarşı mübarizə sahəsində dövlət orqanları və digər qurumlarla əməkdaşlıq etmək; cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində dövlət siyasətinin formalaşdırılmasında iştirak, bu sahədə dövlət orqanlarının və qurumlarının fəaliyyətini əlaqələndirmək, dövlət proqramlarının icrasına nəzarət.
