Bakı konfransı
İyunun 30-u Bakıda, Heydər Əliyev Mərkəzində Qoşulmama Hərəkatı Parlament Şəbəkəsinin Bakı konfransı işə başlayıb. AZƏRTAC xəbər verir ki, prezident İlham Əliyev konfransda çıxış edib.
“Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan konfransa 40-dan çox ölkənin parlamentinin, 9 beynəlxalq parlament təşkilatının təmsilçiləri qatılıblar.
120 üzvü olan Qoşulmama Hərəkatı həmçinin 20 müşahidəçi dövləti və 10 müşahidəçi beynəlxalq təşkilatı birləşdirir. 1961-ci ildə yaradılmış təşkilata Azərbaycan 2011-ci ildə qəbul olunub, 2019-cu ildən quruma sədrlik edir.
