Erkin Qədirli komitə sədrinin müavini seçilib
Deputat Erkin Qədirli Avropa Şurası Parlament Assambleyasının (AŞPA) 22 iyun iclasında Prosedur Qaydaları, Toxunulmazlıq və Təsisat Məsələləri Komitəsi sədrinin müavini seçilib. Onun namizədliyini Avropa Mühafizəkarları və Demokratik Alyans siyasi qrupu irəli sürüb.
Novator.az bildirir ki, Respublikaçı Alternativ Partiyası Siyasi Komitəsinin üzvü olan Erkin Qədirli Azərbaycan Milli Məclisində 16 saylı Yasamal dairəsini təmsil edir. 2020-ci ildən Azərbaycanın AŞPA-dakı nümayəndə heyətində yer alır.
1949-cu ildə yaradılan Avropa Şurasının əsas institutları üzv ölkələrin xarici işlər nazirlərindən ibarət Nazirlər Komitəsi; milli parlament üzvlərindən ibarət Parlament Assambleyası və hakimləri üzv ölkələrdən seçilən Avropa İnsan Hüquqları Məhkəməsidir.
Azərbaycan Avropa Şurasına 2001-ci ildə qoşulub.
