Bahalıq artımları
2022-ci ilin dövlət büdcəsinə dəyişikliklər edilir. Yeni layihədə büdcə gəlirləri 29 milyard 197,8 milyon manata, xərclər 32 milyard 303,8 milyon manata yüksəlir. Qüvvədə olan sənəddə 26 milyard 816 milyon manat gəlir, 29 milyard 879 milyon manat xərc rəsmiləşib.
Novator.az-ın məlumatına görə, London İqtisadiyyat Məktəbinin professoru, Azərbaycan Demokratiya və Rifah Partiyasının sədri Qubad İbadoğlu yazır ki, büdcə gəlirlərinin, vergi daxilolmalarının, gömrük ödənişlərinin artımı bahalıqdan doğur: “Qiymətlərin yüksəlməsi vergi ödənişlərini, idxal inflyasiyası gömrük ödənişlərini çoxaldır. Yenidən baxılan büdcədə gəlirlər 2 milyard 381,8 milyon manat artırılır. Bu artımın əsasən hansı mənbədən yarandığı aydındır. Neft-qaz sektorunda fəaliyyət göstərən xarici şirkətlərin hasilatın pay bölgüsü sazişləri üzrə mənfəət vergisi 2 milyard 40 milyon manat artacaq. Bu məbləğ büdcəyə təklif olunan artımın 83,5 faizini təşkil edir. Yəni artım neft və qazın bahalaşmasının nəticəsidir.
Dövlət büdcəsinin yenilənmiş proqnozları Dövlət Gömrük Komitəsinin xətti ilə daxilolmaların 8,1 faiz artımını nəzərdə tutur. Artımın əsas hissəsi əlavə dəyər vergisi (ƏDV) üzrə proqnozlaşdırılıb. İdxal məhsullarının qiymətləri artdığından ƏDV ödəmələri də çoxalır.
Hər iki artımın mənbəyi qiymət bahalaşmasıdır və hər iki amil daxili istehlak bazarlarında qiymətləri yuxarı dartır”.
Yenilənən büdcə nəyə işarədir?
