Rəsmilərin maaşında yenilik təklifləri
Parlamentin gündəliyində rəsmilərin maaşında yenilik layihələri var. Novator.az bildirir ki, təklifə görə, Milli Məclisin sədri 3550 manat maaş alacaq, parlamentin bütün üzvlərinə hər ay vəzifə maaşlarının iki misli həcmində vəzifə maaşına əlavə veriləcək.
Parlament sədrinin birinci müavini sədrin maaşının 90 faizi, müavini 85 faizi, komitə və komissiya sədri 80 faizi, komitə və komissiya sədrinin müavini 75 faizi, deputat 70 faizi miqdarında maaş alır.
Başqa təkliflərə əsasən, Konstitusiya Məhkəməsi sədrinin və Ali Məhkəmə sədrinin vəzifə maaşları 3550 manat olacaq, Hesablama Palatasının sədri 3150, sədrin müavini 2800, auditorlar 2625 manat məbləğində aylıq vəzifə maaşı alacaq, həmçinin palata üzvlərinə hər ay vəzifə maaşlarının iki misli həcmində vəzifə maaşına əlavə ödənəcək.
Ombudsmanın vəzifə maaşının 3060 manat müəyyən edilməsi, ona aylıq vəzifə maaşının 1,65 misli həcmində vəzifə maaşına əlavə ödənməsi nəzərdə tutulur.
