Büdcədə yeniliklər ilk oxunuşdan keçdi
Milli Məclisin 22 iyun iclasında 2022-ci ilin dövlət büdcəsinə dəyişikliklər ilk oxunuşda qəbul edilib. Yenilənən büdcədə 29 milyard 197,8 milyon manat gəlir, 32 milyard 303,8 milyon manat xərc rəsmiləşir.
Novator.az bildirir ki, iqtisadi fəaliyyətə 7 milyard 67,9 milyon manat; müdafiə və milli təhlükəsizliyə 5 milyard 84,7 milyon manat; ümumi dövlət xidmətlərinə 4 milyard 355,3 milyon manat; təhsilə 3 milyard 886,6 milyon manat; sosial müdafiə və sosial təminata 3 milyard 728,5 milyon manat; məhkəmə hakimiyyəti, hüquq mühafizə və prokurorluğa 2 milyard 482,2 milyon manat; səhiyyəyə 1 milyard 708,7 milyon manat; kənd təsərrüfatına 997,3 milyon manat; mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyətə 463,1 milyon manat; ətraf mühitin mühafizəsinə 292,1 milyon manat; mənzil və kommunal təsərrüfatına 272,6 milyon manat; əsas bölmələrə aid edilməyən xərclərə 1 milyard 964,1 milyon manat ayırmaq nəzərdə tutulur.
Parlament müzakirəsində büdcə zərfinin daha iki sənədi var. Dövlət Sosial Müdafiə Fondunun yeni büdcəsində gəlirlər və xərclər 5 milyard 606,2 milyon manat, işsizlikdən sığorta fondunun yeni büdcəsində gəlirlər və xərclər 181,3 milyon manat göstərilir.
