Kolumbiyanın tarixində ilk dəfə solçu prezident seçilib. Novator.az-ın məlumatına görə, sol qüvvələrin namizədi Qustavo Petro iyunun 19-da keçirilmiş ikinci turda tikinti maqnatı olan rəqibi Rodolfo Ernandesi üstələyib.

1960-cı il təvəllüdlü Qustavo Petro gəncliyində ifrat sol görüşləri ilə tanınıb, partizan hərəkatının liderlərindən olub.

Ölkəsində iqtisadiyyat və dövlət idarəçiliyi üzrə ali təhsil alan Qustavo Petro həmçinin Niderland və İspaniyada oxuyub.

Kolumbiya parlamentinin yuxarı palatası olan Senatın üzvüdür. 2012-2015-ci illərdə paytaxt Boqotanın meri postunu tutub.