Sabit gerilik
Mərkəzi Bank 2021-ci il üzrə maliyyə sabitliyi hesabatı yayıb. Novator.az-ın məlumatına görə, sənədə əsaslanan iqtisadçı Rövşən Ağayev yazır ki, ölkənin bank sektoru üzrə 33,5 milyard manat öhdəliyin (kənardan cəlb edilmiş vəsaitlərin) 70 faizi – təxminən 23,5 milyard manatı müddəti 1 ilədək olan vəsaitlərdir: “Bu rəqəmdən çox nəticə çıxarmaq olar – bank sektoruna inam yoxdur; bütövlükdə iqtisadiyyatın gələcəyinə inam yoxdur; iqtisadiyyat (ev təsərrüfatlarından tutmuş biznesə qədər) kasıb olduğundan onun maliyyə sisteminin sərəncamına uzun müddətə verəcəyi yığımı mövcud deyil; ölkədə yüksək iqtisadi təbəqələşmə səbəbindən kiçik bir qrupun əlində cəmlənən yığımlar ya daşınmaz əmlaka, ya da xaricdə maliyyə alətlərinə yatırılır…
Səbəblərin siyahısını çox uzatmaq olar. Amma nəticə birdir: maliyyə sisteminin dayanıqlı real sektor üçün uzun pulları yoxdur”.
