Xəbərlər yüklənir ...
Fransanın Müluz şəhərində yaşayan azərbaycanlı hüquqşünas Vidadi İsgəndərli Youtube.com portalında açıqlama yayıb. O, iyunun 16-na keçən gecə efirdən ictimaiyyətə səslənərək hücuma məruz qaldığını deyib. Hüquqşünasın sözlərinə görə, iyunun 15-i axşam 15-20 nəfər üstünə düşərək onu döyüb. Üz-gözü qan içində olan Vidadi İsgəndərli hadisəni terror saydığını vurğulayıb, polisə müraciət edəcəyini bildirib.
Vidadi İsgəndərli 2011-ci ilin aprelindən 2012-ci ilin dekabrınadək seçki hüquqlarının həyata keçirilməsinə mane olma, seçki komissiyalarının işinə müdaxilə etmə, döymə ittihamları ilə həbsdə yatıb. 2015-ci ildən Fransada yaşayan hüquqşünas Azərbaycan hakimiyyətini sərt tənqidləri ilə tanınır.