Qlobal Bakı Forumu başlayıb
İyunun 16-da “Qlobal dünya nizamına təhdidlər” mövzulu Qlobal Bakı Forumu başlayıb.
Tədbir prezident İlham Əliyevin himayəsi, Nizami Gəncəvi Beynəlxalq Mərkəzinin təşkilatçılığı ilə keçirilir.
AZƏRTAC xəbər verir ki, dövlət başçısı İlham Əliyev forumun açılış mərasimində çıxış edib, sonra Latviyanın sabiq prezidenti, Nizami Gəncəvi Beynəlxalq Mərkəzinin həmsədri Vayra Vike-Freyberqa, Albaniyanın prezidenti İlir Meta, Bosniya və Herseqovinanın Rəyasət Heyətinin sədri Şefik Caferoviç, Gürcüstan prezidenti Salome Zurabişvili, Dünya Səhiyyə Təşkilatının baş direktoru Tedros Adhanom Qebreyesus, Türkiyənin sabiq baş naziri Binəli Yıldırım, BMT-nin Cenevrə bölməsinin baş direktoru Tatyana Valovaya, Ərəb Dövlətləri Liqasının baş katibi Əhməd Abul Qeyt və Nizami Gəncəvi Beynəlxalq Mərkəzinin həmsədri İsmail Serageldin nitq söyləyiblər.
