Boş dairələrin nə qədər seçicisi var?
Mərkəzi Seçki Komissiyası (MSK) seçicilərin sayını yenilədikdən sonra parlamentdə təmsilçisi olmayan dairələr üzrə də dəyişikliklər var – ümumilikdə 383 min 745 seçici deputatsızdır.
Mayın 27-nə aid son hesabata görə, seçicilər siyahısına 6 milyon 401 min 955 nəfər daxil edilib.
2020-ci il fevralın 9-da seçilmiş 125 nəfərlik Azərbaycan parlamentində 7 yer boşdur. 33 saylı Xətai, 35 saylı Xətai, 74 saylı Lənkəran kənd və 80 saylı İmişli-Beyləqan dairələri üzrə səsvermənin nəticələri MSK-nın 13 fevral 2020-ci il qərarları ilə ləğv olunub, təkrar seçki keçirilməyib.
116 saylı Qəbələ dairəsi 2020-ci il avqustun 4-dən, 55 saylı Xaçmaz şəhər dairəsi 2022-ci il fevralın 28-dən, 50 saylı Abşeron-Qobustan dairəsi 2022-ci il martın 17-dən deputatsızdır, əlavə seçki olmayıb.
Novator.az bildirir ki, yenilənmiş siyahıya görə, 33 saylı dairənin 52 min 194 nəfər, 35 saylı dairənin 41 min 552 nəfər, 50 saylı dairənin 85 min 961 nəfər, 55 saylı dairənin 63 min 340 nəfər, 74 saylı dairənin 40 min 993 nəfər, 80 saylı dairənin 50 min 773 nəfər, 116 saylı dairənin 48 min 932 nəfər seçicisi var.
