Dövlət Gömrük Komitəsi 2022-ci ilin beş ayı üzrə xarici ticarət hesabatı yayıb. Novator.az bildirir ki, rəsmi statistikaya görə, yanvar-may aylarında 158 ölkə ilə ticarət əməliyyatı, 15 milyard 416,5 milyon dollarlıq ixrac, 5 milyard 135,5 milyon dollarlıq idxal qeydə alınıb, büdcəyə 2 milyard 63,7 milyon manat vəsait ödənib.

Açıqlamaya əsasən, ixracın 92,2 faizi neft-qaz sektoru mallarıdır, idxalda ən böyük pay maşın, mexanizm, elektrik avadanlıqları və onların hissələrini əhatə edir: 20,2 faiz.

Hesabata görə, ixracın 4,7 faizi MDB ölkələrinin, 62,4 faizi Avropa İttifaqı ölkələrinin, 32,9 faizi başqa ölkələrin payına düşüb.

İdxalda MDB-nin payı 29,3 faiz, Avropa İttifaqının payı 15,5 faiz, başqa ölkələrin payı 55,2 faizdir.

Ticarət dövriyyəsi və ixrac üzrə əsas tərəfdaşın İtaliya, idxal üzrə əsas tərəfdaşın Rusiya olduğu vurğulanır.