Xəbərlər yüklənir ...
İyunun 13-də Məhkəmə-Hüquq Şurasının iclasından rəsmi bilgi yayılıb. Xəbərə əsasən, korrupsiyaya şərait yaradan hallara, süründürməçiliyə və vətəndaşların haqlı narazılığını doğuran başqa pozuntulara görə 3 hakim intizam məsuliyyətinə cəlb olunub, qanunvericiliyin tələblərini kobudcasına və mütəmadi pozan 1 hakimin səlahiyyətlərinə vaxtından əvvəl xitam verilməsi qərarı qəbul edilib. Kobud qanun pozuntularına yol verilməsinə görə 2 hakim barədə yeni intizam icraatı başlandığı bildirilir.
2005-ci ildə fəaliyyətə başlayan Məhkəmə-Hüquq Şurasının hakim vəzifələrinə seçkinin təşkili, hakimlərin fəaliyyətini qiymətləndirmək, onları intizam məsuliyyətinə cəlb etmək, hakimlərin iş yerinin dəyişdirilməsi, vəzifədə irəli çəkilməsi təqdimatları vermək səlahiyyətləri var. Şuraya ədliyyə naziri Fikrət Məmmədov sədrlik edir.
Qurumun inzibati binası Bakının Zahid Xəlilov küçəsində (540-cı məhəllə) yerləşir.